September 2009
1 post
「對錯」
十五年前，有一個男孩到醫院探病，聽到隔離床的護士講:BB吃完奶，掃風要向下掃，向上掃唔啱。因為向下掃，啲食物落去，啲風逼出黎。
十年前，呢個男仔又到醫院探病，聽到一位護士教新媽媽掃風，話要向上掃，向下掃唔可以。因為啲食物會壓住啲風，出唔番黎，要推啲風出黎先。
五年前，個「男人」聽到護士教人向下掃。
舊年，佢聽到有護士教人上下都要掃。
呢個故事當然唔係要教人點掃風，亦唔係要抹黑護士。
「對錯」是一種「價值判斷」。
喺十五年前，護士所講嘅係「啱」嘅。十年前果個都係「啱」嘅。五年前同舊年果個都係「啱」嘅。即使這些結論自相矛盾。
我們可以看到所謂「對錯」有一種虛妄性。
我們雖然可以説，錦唔同時候，情況唔同，對情況嘅了解唔同，答案唔同係可以接受的。
的確如此。
所以無論任何問題，配上任何答案，即使組合如何天方夜譚，原則上在某時某地某條件下，都係「啱」嘅。
...